بونی (پریس ریلیز)ضلعی انتظامیہ اپر چترال کی زیر نگرانی محکمہ کھیل اپر چترال اور ڈسٹرکٹ فٹ بال ایسوسی ایشن کے زیر اہتمام ڈسٹرکٹ فٹ بال ٹورنامنٹ گہلی گراؤنڈ میں اختتام پذیرہوئے ۔ڈپٹی کمشنر اپر چترال جناب محمد عمران خان فائنل میچ میں بطور مہمان خصوصی شرکت کی۔فٹ بال چمپئن شپ کے فائنل میچ میں ڈسٹرکٹ پولیس افیسر اپر چترال ، اسسٹنٹ کمشنر ہیڈکوارٹر اپر چترال ، چیرمین تحصیل کونسل مستوج اور دیگر افراد نے بھی شرکت کی۔فٹ بال چمپئن شپ کا فائنل میچ فلائنگ ایگل فٹ بال کلب لون بمقابلہ فیلی کلب کوشٹ کھیلا گیا۔
دلچسپ مقابلے کے بعد فیلی کلب کوشٹ نے ٹائٹل اپنے نام کرنے میں کامیاب ہوگیا۔
ڈپٹی کمشنر اپر چترال نے اپنے خطاب میں کھیل کو صحت مندی کا بہترین ذریعہ قرار دیا۔ ڈپٹی کمشنر اپر چترال نے کہا کہ کھیل نہ صرف جسمانی نشونما کے لئے مفید ہے بلکہ اس سے نوجوانوں کے ذہنی نشوونما بھی ہوتی ہے۔
ڈپٹی کمشنر نے کہا کہ نوجوانوں کو اپنے تعلیم کے ساتھ ساتھ مختلف کھیلوں میں بھی بھرپور حصہ لینا چاہئے کیونکہ کھیلوں کے فروغ سے نوجوانوں کو غیر سماجی سرگرمیوں سے دور رہنے کے علاوہ منشیات کے استعمال سے بھی چھٹکارا ملتی ہے۔ڈپٹی کمشنر اپر چترال نے بہترین ٹورنامنٹ کے انعقاد پر ڈسٹرکٹ فٹ بال ایسوسی ایشن کے جملہ اراکین کی کوششوں کوسراہا اور آئندہ بھی ضلعی انتظامیہ اپر چترال کی جانب سے ہرممکن تعاون کا یقین دلایا۔آخر میں مہمان خصوصی نے کھلاڑیوں میں انعامات تقسیم کئے۔
