بونی (سوشل میڈیا نیوز رپورٹ) اپر چترال کے ہیڈکواٹر بونی میں آغا خان ایجوکیشن سروس پاکستان، اپر چترال کے زیر اہتمام “کوکریکولر پروگرامز 2025” کے عنوان سے ایک پروقار تقریب بونی میں منعقد ہوئی۔
تقریب کے مہمانِ خصوصی ڈپٹی کمشنر اپر چترال محمد عمران خان تھے، جب کہ صدرِ محفل ریجنل کونسل اپر چترال کے صدر امتیاز عالم تھے۔ اس موقع پر اے کے ای ایس چترال و گلگت بلتستان کے جنرل منیجر ریٹائرڈ بریگیڈیئر خوش محمد، اسسٹنٹ کمشنر ہیڈکوارٹر احسان اللہ افریدی، صدر پریس کلب محمد علی مجاہد، پرنسپل آغا خان ہائرسیکنڈری اسکول چترال طفیل نواز، اے کے ای ایس مینجمنٹ، اسکول ہیڈز، اساتذہ، والدین اور طلباء و طالبات کی بڑی تعداد میں شریک ہوئے۔
ڈپٹی کمشنر اپر چترال محمد عمران خان نے اپنی خطاب میں کوکریکولر سرگرمیوں کو طلبہ کی ذہنی و سماجی تربیت کے لیے ضروری قرار دیتے ہوئے ضلعی انتظامیہ کی جانب سے مکمل تعاون کی یقین دہانی کرائی۔تقریب کے اختتام پر ڈپٹی جی ایم شریف پناہ نے شرکاء کا شکریہ ادا کیا۔پوزیشن ہولڈرز طلبہ کو اسناد اور تعریفی سرٹیفکیٹس بھی دیے گئے
