الکریم ویلفیئر سوسائٹی بونی نے نیاز سپورٹ کے اشتراک سے معذور والدین کے بچوں کے لیے ایک جامع اسکالرشپ پروگرام کا آغاز کردیا ہے، جس کے تحت مستحق طلبہ کو تعلیمی اخراجات کے ساتھ ساتھ صحت کی سہولت بھی فراہم کی جا رہی ہے۔اس سلسلے میں الخدمت سکول بونی میں منعقدہ ایک تقریب میں طلبہ کو صحت کے کارڈز تقسیم کیے گئے۔ اس موقع پر صدر پریس کلب اپر چترال محمد علی مجاہد نے کہا کہ “یہ اقدام نہ صرف بچوں کے مستقبل کو محفوظ بنائے گا بلکہ معذور والدین کے خاندانوں پر مالی بوجھ بھی کم کریگا اس موقع پر پراجیکٹ منیجر صلاح الدین نے بتایا کہ “ابتدائی مرحلے میں آٹھ طلبہ کو ہیلتھ کارڈز فراہم کیے جا رہے ہیں، جبکہ اسکالرشپ پروگرام کے تمام طلبہ کو بھی جلد یہ سہولت دی جائے گی۔”
اس پروگرام کے تحت نئے داخلہ لینے والے طلبہ کو ماہانہ ٹیوشن فیس، داخلہ فیس، کتابیں اور اسٹیشنری کے ساتھ ساتھ تین لاکھ روپے تک کی ہیلتھ انشورنس کوریج بھی دی جا رہی ہے۔الکریم ویلفیئر سوسائٹی کے ترجمان نے بتایا کہ “تعلیم اور صحت ہر بچے کا بنیادی حق ہے اور ہم اس یقین کے ساتھ کام کر رہے ہیں کہ یہ قدم معاشرے کے غریب اور مستحق طبقے کی بہتری میں اہم کردار ادا کرے گا۔
تقریب میں پرنسپل ایف سی سی پی ایس نے خطاب کرتے ہوئے الکریم ویلفئر سوسائٹی کے کاوشوں کو سراہا اور ہر ممکن تعاون کا یقین دلایا ۔ ڈائریکٹر بی ائی ایس پی جاوید احمد، انفارمیشن سیکرٹری سہیل احمد، اور الخدمت فاؤنڈیشن سکول کے پرنسپل اور اساتذہ نے بھی شرکت کی۔ شرکاء نے الکریم ویلفیئر سوسائٹی کی کاوشوں کو سراہا اور ہر ممکن تعاون کا یقین دلایا۔
