اپر چترال (پریس ریلیز) ْعمران خان کو رہا کرو ٗتحریک کا باضابطہ آغاز اپرچترال سے کر دیا گیا ہے،گزشتہ روز اپر چترال میں بمباغ کے مقام پر ایک بڑے جلسے کا اہتمام کیا گیا جس میں پی ٹی ائی کے چیئرمین عمران خان کے بھانجے احمد خان نیازی نے شرکت کی اور خطاب کیا۔ جس میں مختلف مکاتبِ فکر سے تعلق رکھنے والے افراد نے بھرپور شرکت کی۔
جلسے میں پاکستان تحریک انصاف خواتین ونگ اپر چترال کی صدر راشدہ ضیاء کی قیادت میں خواتین کی بڑی تعدار نے شرکت کی۔ پی ٹی آئی خواتین ونگ کے صدرراشدہ ضیاء نے تقریب کے بعد احمد خان نیازی سے ملاقات میں عمران خان کی رہائی کی تحریک کے لیے اپنے غیر متزلزل عزم کا اظہار کرتے ہوئے کہا کہ “ہم عمران خان کے ساتھ تھے، ہیں اور رہیں گے۔”
انہوں نے بتایا کہ چترال کی خواتین اس تحریک کا حصّہ بن چکی ہیں ۔جلسے کے شرکاء نے احمد خان نیازی کی چترال آمدکو تحریکِ انصاف کی سرگرمیوں کے لئے اہم قراد دیا ۔
