(چترال پریس ریلیز)ڈپٹی کمشنر چترال راؤ ہاشم عظیم کی زیر صدارت خسرہ و روبیلا مہم کے پہلے روز کا باضابطہ جائزہ اجلاس ڈپٹی کمشنر آفس میں منعقد ہوا۔ اجلاس میں ضلعی انتظامیہ، محکمہ صحت اور دیگر متعلقہ محکموں کے افسران نے شرکت کی۔
اجلاس میں پہلے روز کی ویکسینیشن مہم کے اعداد و شمار اور پیش رفت کا تفصیلی جائزہ لیا گیا۔ ڈپٹی کمشنر نےافسران کو ہدایت دی کہ سکولوں اور کمیونٹی میں ویکسینیشن مہم کی معیاری اور مؤثر تکمیل کو یقینی بنانے کے لیے تمام متعلقہ محکمے بروقت اور مربوط اقدامات یقینی بنائیں۔
