پشاور (جمشید احمد نمائندہ نوائے چترال)موڑکہو ڈویلپمنٹ مومنٹ کے زیرِ اہتمام پشاور میں مقیم موڑکہو کے باشندگان کا ایک اجلاس آج پشاور ڈبگری گارڈن میں منعقد ہوا۔ اجلاس میں بڑی تعداد میں افراد شریک ہوئے جو پشاور میں رہائش پذیر ہونے کے باوجود اپنے علاقے موڑکہو کی ترقی و بہبود کے لیے فکرمند اور پُرجوش ہیں۔اجلاس میں متفقہ طور پر مولانا حبیب اللہ انقلابی کو موڑکہو ڈویلپمنٹ مومنٹ پشاور ریجن کا کوارڈینیٹر منتخب کیا گیا، جبکہ مولانا محب الرحمٰن فاروقی کو سرپرستِ اعلی مقرر کیا گیا۔ شرکاءِاجلاس نے اس فیصلے کو سراہتے ہوئے امیدظاہر کی کہ ان شخصیات کی قیادت میں پشاور ریجن کی تنظیم مزید فعال کردار ادا کرے گی۔اس موقع پر پشاور میں مقیم موڑکہو کے تمام باشندون نے موڑکہو ڈویلپمنٹ مومنٹ کے ساتھ یکجہتی کا اظہار کیا اور ہر ممکن تعاون کی یقین دہانی کراتے ہوئے کہا کہ وہ اپنے علاقے کی تعمیر و ترقی کے لیے ہر سطح پر ساتھ کھڑے رہیں گے۔اجلاس میں موڑکہو ڈویلپمنٹ مومنٹ پشاور ریجن کی کور کمیٹی کا اعلان بھی کیا گیا، جس میں مولانا حبیب اللہ انقلابی ۔شاہ فورمین رائیس ،عظیم سرور ساحل ،مولانا محب الرحمن فاروقی ،منہاج الدین،مولانا عبدالقادر آزاد
شکیل الدین،محبوب الرحمن،ڈاکٹر ذوہیب صدیقی،ضیاء الدین،محمد صالح،
عبدالرحیم،مولانا منظور احمد،ہیں ۔اجلاس کے شرکاء نے اس عزم کا اظہار کیا کہ موڑکہو ڈویلپمنٹ مومنٹ پشاور ریجن آئندہ بھی اپنے علاقے کی فلاح وبہبود، حقوق کے تحفظ اور ترقیاتی مسائل کے حل کے لیے بھرپور آواز اٹھائے گا اور عملی جدوجہد کو مزید مؤثر بنایا جائے گا
