بونی (پریس ریلیز)ڈپٹی کمشنر اپر چترال نے عوام کی جانب سے موصول ہونے والی شکایات پر بونی میں موجود قصاب خانہ کا ہنگامی دورہ کیا۔ شہریوں کو صاف اور معیاری گوشت کی فراہمی کے عمل کا جائزہ لیا۔
انسپکشن کے دوران قصاب خانہ غیر فعال پایا گیا جس پر ڈپٹی کمشنر نے تشویش کا اظہار کیا۔ انہوں نے موقع پر موجود متعلقہ افسر کو ہدایات جاری کرتے ہوئے کہا کہ قصاب خانے میں درکار تمام وسائل فوری طور پر مکمل کیے جائیں تاکہ اسے فعال بنایا جا سکے۔
اس موقع پر ڈپٹی کمشنر اپر چترال نے اسسٹنٹ ڈائریکٹر لوکل گورنمنٹ کو سختی سے ہدایت کی کہ قصاب خانے کو ہمیشہ صاف ستھرا اور صحت کے اصولوں کے مطابق رکھا جائے تاکہ عوام کو غیر معیاری اور غیر صحت بخش گوشت ہرگز فراہم نہ ہو۔
