بونی (رپورٹ جمشید احمد)پاکستان مسلم لیگ (ن) چترال ہمیشہ سے خطے کی ترقی، عوامی فلاح و بہبود اور بنیادی سہولتوں کی فراہمی کے لیے سرگرم رہی ہے۔ قیادت کی مسلسل محنت اور سنجیدہ کوششوں نے چترال میں انفراسٹرکچر، تعلیم، اور عوامی خدمات کے شعبوں میں نمایاں بہتری پیدا کی ہے۔اپر چترال میں نادرا شاخوں کا قیام — اہم پیش رفت ہے۔شہزادہ افتخارالدین نے وزیراعظم میاں محمد شہباز شریف سے تحصیل تورکھو، شاگرام اور تحصیل مستوج میں نادرا کی نئی شاخوں کے قیام کی درخواست کی، جس پر وزیرِاعظم کی ہدایت کے تحت ڈی جی نادرا نے چترال کا دورہ کیا۔شہزادہ افتخارالدین نے عوام کو اس اہم پیش رفت سے آگاہ کیا۔ڈی جی نادرا دوبارہ چترال پہنچے، جہاں تحصیل صدر جاوید لال اور کابینہ نے مجوزہ مقامات کا دورہ کرایا تاکہ نادرا شاخوں کے قیام کو عملی شکل دی جا سکے۔یہ پیش رفت چترال کے عوام کے لیے ایک بڑی سہولت ہے، جس سے شناختی خدمات اب ان کے گھر کے قریب دستیاب ہوں گی۔
