اپر چترال (نوائے چترال نیوز)گورنمنٹ ہائی سکول چرون میں طلحہ محمود فاؤنڈیشن کی جانب سے جدید سہولیات سے آراستہ کمپیوٹر لیب کا افتتاح کر دیا گیا۔ افتتاحی تقریب میں علاقے کے معززین، اساتذہ، طلبہ اور ایجوکیشن ڈیپارٹمنٹ کے نمائندگان نے شرکت کی۔ کمپیوٹر لیب کا افتتاح طلحہ محمود فاؤنڈیشن اپر چترال کے کوآرڈینیٹر سید نزاکت حسین شاہ نے کیا۔ اس موقع پر مقررین نے اپنے خیالات کا اظہار کرتے ہوئے کہا کہ جدید ٹیکنالوجی کی تعلیم وقت کی اہم ضرورت ہے، اور طلحہ محمود فاؤنڈیشن کی کاوش علاقے کے طلبہ کے لیے تعلیمی ترقی نئی راہیں کھولیں گی۔ شرکاء نے سینیٹر طلحہ محمود صاحب کا خصوصی شکریہ ادا کیا جنہوں نے پسماندہ علاقوں میں تعلیمی سہولیات کی فراہمی کے لیے عملی اقدامات کیے ہیں۔
