اسلام آباد (ایف بی نیوزرپورٹ) سینیٹر طلحہ محمود سے(ٹی ٹی آر ایف) اپر چترال کے وفد نے ملاقات کی۔ وفد کی قیادت ٹی ٹی آرایف کے چیئرمین عمر خلیل اور سہراب خان نے کی۔ملاقات میں چیئرمین ٹی ٹی آریف کی وفدنے سینیٹر طلحہ محمود صاحب کی انتھک محنت اور چترال کے عوام کے لیے ان کی مستقل جدوجہد پر ان کا شکریہ ادا کیا۔
سینیٹر طلحہ محمود نے وفد کو خوش آمدید کہتے ہوئے اس عزم کا اظہار کیا کہ وہ چترال کے مسائل کے حل اور ترقی کے لیے اپنی آواز اسی جذبے کے ساتھ بلند رکھیں گے۔ انہوں نے کہا کہ وہ تقریباً پونے دو سال سے چترال کی خدمت کے لیے سرگرم عمل ہیں اور آئندہ بھی اپنی بھرپور خدمات جاری رکھیں گے۔سینیٹر طلحہ محمود صاحب نے مزید کہا کہ چترال کے لیے ان کی محبت خلوص پر مبنی ہے اور وہ نہ صرف خود بلکہ اپنی اولاد کو بھی چترال کی خدمت کے لیے وقف سمجھتے ہیں۔ انہوں نے اس عزم کا بھی اظہار کیا کہ چترال کے ہر علاقے میں ترقیاتی کاموں کو عملی جامہ پہنانے کے لیے وہ پوری کوشش کریں گے
