جمعیت علمائے اسلام اپر چترال کا مجلس عمومی کاتنظیمی تنظیمی اجلاس 30 نومبر کو مدرسہ انور مدینہ بونی میں طلب
بونی (پریس ریلیز ،امیر الدین)جمعیت علمائے اسلام اپر چترال کے امیر مولانا محمد یوسف نے جماعتی مشاورت، تنظیمی استحکام اور موجودہ سیاسی حالات کے تناظر میں مجلسِ عمومی کا ایک نہایت اہم اور بامقصد اجلاس منعقد کرنے کا فیصلہ کیا ہے۔
یہ اجلاس نہ صرف جماعت کی آئندہ حکمتِ عملی کے تعین میں رہنمائی فراہم کرے گا بلکہ تنظیمی امور کے حوالے سے بھی ایک باوقار اور فکری نشست ثابت ہوگا۔
بمقام: مدرسہ انوار مدینہ بونی
بتاریخ: 30 نومبر، بروز اتوار
بوقت: صبح 09:00 بجے
ایجنڈا:
1️:- ممکنہ ضمنی الیکشن کے حوالے سے مشاورت، تفکر و تجزیہ اور راہِ عمل کا تعین
2️:- ضلع سطح پر جماعت کی فعالیت، تنظیمی کارکردگی کا جائزہ اور عملیت پسند حکمتِ عملی کی تشکیل
3️:- ختم نبوت کانفرس مردان کی تیاریوں کے حوالے سے مشاورت
4 :- دیگر اہم امور باجازت امیر
تمام اراکینِ مجلسِ عمومی سے مودبانہ گزارش ہے کہ اس اجلاس میں وقت کی پابندی اور فکری آمادگی کے ساتھ شرکت فرمائیں، تاکہ مشاورت کا یہ عمل زیادہ نتیجہ خیز ثابت ہو اور جماعت کی اجتماعی دانش آئندہ سمت متعین کرنے میں اپنا بھرپور کردار ادا کر سکے۔
