بونی (پریس ریلیز)بونی ٹوبوزند روڈ شوچ کے مقام پر واقع یہ حصہ نہایت خطرناک نوعیت کا حامل ہے۔سڑک ایک بلند و بالا پہاڑ کے دامن میں تراش کر بنائی گئی ہے، جبکہ اس کے عین نیچے ہزار فٹ سے بھی زیادہ گہری کھائی موجود ہے۔ عام حالات میں بھی یہ مقام خطرے کی علامت سمجھا جاتا ہے، لیکن بارش اور برف باری کے موسم میں یہاں شدید پھسلن پیدا ہو جاتی ہے، جس سے گاڑیوں کے بے قابو ہو کر کھائی میں جا گرنے کے امکانات کئی گنا بڑھ جاتے ہیں۔
اب جبکہ اس مقام پر ٹھیکیدار کی جانب سے روڈ کی تعمیر کا کام شروع ہوچکا ہے
لھذا۔۔۔ ایک مرتبہ پھر محکمہ سی اینڈ ڈبلیو اور ضلعی انتظامیہ اپر چترال کی توجہ اس سنگین مسئلے کی جانب مبذول کرانا انتہائی ضروری ہے۔ ہماری گزارش ہے کہ۔۔۔
انسانی جانوں کے تحفظ کو مدنظر رکھتے ہوئے اس مقامات پر فوری طور پر مضبوط، پائیدار اور معیاری حفاظتی دیواریں اور پشتے تعمیر کی جائیں، تاکہ کسی بھی ممکنہ حادثے کو بروقت روکا جا سکے۔
حفاظتی بیریئرز کی بروقت تنصیب نہ صرف گاڑیوں کو کھائی میں گرنے سے محفوظ رکھے گی بلکہ اس شاہراہ پر سفر کرنے والے عوام کو ایک محفوظ، پُراعتماد اور بے خوف سفر فراہم کرے گی۔
اہلیان تورکہو و تریچ یوسی
