ڈپٹی کمشنر اپر چترال جناب محمد عمران خان کی ہدایات پر اسسٹنٹ کمشنر ہیڈکوارٹر احسان افریدی نے انسپکٹر لیبر ڈیپارٹمنٹ کے ہمراہ چائلڈ لیبر کے خاتمے کے سلسلے میں اپر چترال کے مختلف مقامات کا دورہ کیا۔
دورے کے دوران مندرجہ ذیل مقامات کا معائنہ کیا گیا:
1. ٹرانسپورٹ اڈا بونی
2. سبزی و فروٹ منڈی بونی
3. بڑے کاروباری مراکز
دوران انسپکشن/مہم مذکورہ بالا مقامات پر کم عمر بچے مشاہدے میں نہیں آئے تاہم مالکان کو ہدایت دی گئی کہ انڈر ایج بچوں سے کام لینے سے گریز کریں بصورت دیگر قانونی کارروائی کی جائے گی۔
دکانداروں اور اڈا مالکان کو لیبر قوانین اور بچوں کے حقوق سے متعلق آگاہی فراہم کی گئیں۔
اسسٹنٹ کمشنر ہیڈکوارٹر نے کہا کہ بچے ہمارا مستقبل ہیں ان کی تعلیم و تربیت ہماری اجتماعی ذمہ داری ہے۔
انہون نے کہا کہ تمام تحصیلوں میں چائلڈ لیبر کے خلاف مشترکہ انسپکشنز ہوں گی۔
آگاہی مہمات اور قانونی کارروائیوں کو مزید مؤثر بنایا جائےگا۔
ضلعی انتظامیہ اپر چترال چائلڈ لیبر کے خاتمے کے لیے پرعزم ہے اور اس سلسلے میں قانون کے نفاذ اور عوامی شعور بیداری کے لیے عملی اقدامات جاری رکھے گی۔