اپر چترال (جمشیداحمد) آغاخان سکول سہت موڑکھو کے اسٹوڈنٹ نے ریجنیل مقابلوں میں تینوں ایوارڈز یعنی کوئیزمقابلہ میں اول پوزیشن قومی ترانہ میں سیکنڈ اور پنسیل آرٹ میں بھی سیکنڈ کے ٹائیٹل اپنے نام کرکے آبائی علاقہ موڑکھو پہنچنےپر ان کا پرتباک استقبال کیا گیا ، پھولوں کے ہار پہنائے گئے اور مٹھائیاں تقسیم کی گئیں۔ سکول کی شاندار کامیابی پر پرنسپل علی نور خان وائس پرنسپل حبیب الرحمن اور سکول کنوینئر حسین ولی خان کومبارک باددی گئی اور پھولوں کے ہار پہنائیے گئے۔سکول کے پرنسپل علی نور خان اور سکول کنوینئر حسین ولی خان نے بچوں کی شاندار استقبال پر علاقے کے عوام کا شکریہ ادا کیا۔اس موقع پر سابق ناظم مولانا جاوید حسین نے خطاب کرتے ہوئے سکول کے بچوں کی شاندار کامیابی پر انہیں مبارک باد دی اور بچوں کی شاندار کامیابی کو علاقے کے لیے خوش آئند قرار دیا ۔
